«Ես այն կարծիքին եմ, որ Հայաստանի Հանրապետության որևէ իշխանավոր, անգամ նրանք, ովքեր լրիվ ռուսամետ են և Վլադիմիր Վլադիմիրիչի ընկերներն էին, այս փաստաթուղթը չէին ստորագրի, որովհետև դա ամբողջությամբ Հայաստանի դեմ փաստաթուղթ է։ Այսինքն՝ այս փաստաթուղը, եթե Հայաստանը ստորագրում էր, ինքը օրինականացնում էր սեպտեմբերի 12-ին և 13-ին տեղի ունեցած ադրբեջանական լայնամասշտաբ հարձակումների արդյունքը»․ այս մասին «Ա1+»-ի հետ զրույցում նշել է «Հանրապետություն» կուսակցության նախագահ Արամ Սարգսյանը՝ անդրադառնալով Նիկոլ Փաշինյանի որոշմանը, ով մերժել էր ստորագրել ՀԱՊԿ գագաթնաժողովի հռչակագիրը։ «Ես համոզված եմ, որ Հայաստանը դուրս է գալու ՀԱՊԿ-ից, գտնում եմ, որ դուրս գալու ճիշտ ժամանակը հիմա է»,- ասել է Սարգսյանը։ |