Քաղաքապետարանը քանդում է Հրապարակի հարևանությամբ տեղադրված կրպակը: Իրավիճակը լարվեց. բերման ենթարկեցին կրպակի սեփականատիրոջը: Ավելի վաղ փաստաբան Րաֆֆի Ասլանյանն իր էջում գրել էր. «Քաղաքապետարանն այս պահին քանդում է Հանրապետության հրապարակի հարևանությամբ տեղադրված մանրածախ առևտրի կրպակը՝ այն պայմաններում, որ համապատասխան դատական ակտով արգելված է որևէ գործողությամբ խոչընդոտել կրպակի բնականոն աշխատանքը։ Թողնենք մի կողմ, որ դատական համակարգի անկախությունից, կարևորությունից անընդհատ բարբաջողները անտեսում են դատարանի որոշումը, բայց ինչո՞ւ չեն քանդում հարևանությամբ գտնվող, մի հանրահայտ ՔՊ-ականի փոխկապակցված մեկ այլ կրպակ»: Ավելի ուշ ԿԳՄՍՆ-ն ու քաղաքապետարանը հաղորդագրություն տարածեցին՝ տեղեկացնելով, որ Հանրապետության հրապարակում ապամոնտաժվել է հանրապետական նշանակության հուշարձանի տեսքն աղավաղող կրպակը: |