ՄԱՄՈՒԼ.ամ
Hay / Հայ | Рус | Eng | Tür
USD 396.02, EUR 431.27, RUB 5.71, GBP 490.04
0 °C, -1 °C ... +1 °C Վաղը`+2 °C
Նիժնևարտովսկում շենքի փլուզման հետևանքով զոհերի թիվը հասել է 9-ի
12:06, 08.12.2022 | mamul.am
2399 | 0

Նիժնևարտովսկում բնակելի շենքի փլուզման հետևանքով տուժածներից մեկը մահացել է հիվանդանոցում. այդպիսով զոհերի թիվը հասել է 9-ի, հայտնել է Խանտի Մանսիյսկի ինքնավար օկրուգի կառավարության մամուլի ծառայությունը։
«Սուրգուտի այրվածքների կենտրոնի բժիշկներն այս օրերին պայքարում են տուժածների կյանքի համար, ցավոք, 62-ամյա հիվանդին փրկել չի հաջողվել»,- ասվում է հաղորդագրությունում։
Կիրակի օրը Խանտի Մանսիյսկի Ինքնավար Օկրուգի Նիժնևարտովսկի բնակելի բարձրահարկ շենքում տեղի է ունեցել կենցաղային գազի պայթյուն, երրորդ մուտքի երկրորդ և երրորդ հարկերի առաստաղները մասամբ փլուզվել են։ Ավելի վաղ իշխանությունները հայտնել էին, որ զոհվել է ութ մարդ, այդ թվում՝ չորս երեխա: Չորս մարդ հոսպիտալացվել է, երկուսի վիճակը ծանր է։
Նշվում է, որ Սուրգուտի այրվածքների կենտրոնում մեկ հիվանդ բուժումը շարունակում է ծայրահեղ ծանր վիճակում՝ բացասական դինամիկայով։ Նիժնևարտովսկի շրջանային կլինիկական հիվանդանոցում բուժումը շարունակող երկու հիվանդների վիճակը կայուն է, նրանց կյանքին վտանգ չի սպառնում։

Կիսվի՛ր այս նյութով՝
| |
դեպի վեր