Երևանի փոխքաղաքապետ, քաղաքապետի թեկնածու Տիգրան Ավինյանը ֆեյսբուքյան իր էջում լուսանկարներ էր տարածել Հրապարակի առևտրային կրպակի ապամոնտաժումից՝ տեղեկացնելով, որ «բացառություններ չկան. քաղաքի տեսքն աղճատող ամեն ինչ նույն վերջն է ունենալու»: Այնուհետ տեսանյութ տարածեց քաղաքապետարանը, հաղորդագրությամբ հանդես եկավ ԿԳՄՍՆ-ը՝ նշելով, որ Հանրապետության հրապարակում ապամոնտաժվել է հանրապետական նշանակության հուշարձանի տեսքն աղավաղող կրպակը: Ասում են՝ Հրապարակի կրպակի ապամոնտաժումը Տիգրան Ավինյանի նախընտրական քարոզչության հերթական արարն էր: Կրպակի ապամոնտաժմանը ֆեյսբուքյան էջում խորիմաստ գրառմամբ անդրադարձել է նաև Հայկ Մարությանի պաշտոնավարման ժամանակ քաղաքապետարանի տեղեկատվության և հասարակայնության հետ կապերի վարչության պետի պաշտոնն զբաղեցնող Հովսեփ Կուբատյանը. «Ինչ մեղքս թաքցնեմ, մենք չկարողացանք ապամոնտաժել այստեղ տնգած այլանդակությունը, հիմնականում որոշ կառույցների դիմադրության պատճառով: Թեման արձագանք է գտել նաև համացանցում: |