-Արդյոք մտավախություն ունեք, որ պատմությունը կրրկնվում է: Անցյալում հայ ժողովուրդը եղել է ցեղասպանության զոհ: Ֆրանսիայում ԼՂՀ ներկայացուցիչը խոսել է այդ տարածքում Արցախի հայերի էթնիկ զտման մասին: Արդյո՞ք դրանում է կայանում ձեր բացարձակ երկյուղը,- Արցախի նախագահ Արայիկ Հարությունյանին հարց է հղել «Ֆրանս24»-ի լրագրողը: -Գիտե՞ք, այդ բառը չեմ ուզում արտաբերել: Չեմ ուզում ասել, որ վախենում ենք: Եթե վախենայինք, ապա չէինք շարունակի ապրել Արցախում: Բայց դա իսկապես մեծամասնության մտավախությունն է: Մենք գիտակցում ենք, որ գտնվում ենք էթնիկ զտման, նոր ցեղասպանության եզրին, որի մասին հրապարակային հայտարարվում է Ադրբեջանի կողմից: Անշուշտ, մտավախություն ունենք, մենք շատ ենք խոսել դրա մասին մեր այցի ժամանակ: Այդ թվում՝ Ֆրանսիայի խորհրդարանում: Սա կարևոր ուղերձներից մեկն է, որ ես պետք է թողնեմ այստեղ և ամենուր, որտեղ էլ լինեմ, բոլոր միջազգային հարթակներում՝ ՄԱԿ-ում «Եվրոխորհրդարանում, Եվրոպական խորհրդում և այլուր: Մենք պետք է այս խնդրի մասին բարձրաձայնենք: Մենք իսկապես նոր Ցեղասպանության վտանգի առջև ենք: Արցախին միայնակ թողնելը, դժբախտաբար, նշանակում է Արցախի բնակչությանը ենթարկել ֆիզիկական ոչնչացման: Բնակաբար, մենք չենք կարող թողնել մեր հայրենիքը: Հազարամյակներ ի վեր մենք այդտեղ ապրում ենք և կշարունակենք ապրել,- պատասխանել է Հարությունյանը: |