Yeti Airlines-ի ներկայացուցիչ Պեմբա Շերպան հայտնել է, որ Պոխարայում ավիավթարի հետևանքով զոհվել են ինքնաթիռում գտնվող բոլոր 72 մարդիկ:
Ավելի վաղ արտակարգ իրավիճակների ծառայությունները հայտնել էին, որ փլատակների տակ հայտնաբերել են Նեպալի երկու ողջ մնացած քաղաքացիների։

Հայտնի է նաև, որ ինքնաթիռում գտնվել է Ռուսաստանի չորս քաղաքացի։ Նեպալում Ռուսաստանի դեսպանատունը հայտնել է, որ նրանք բոլորը մահացել են։ Զոհվածների հարազատները կստանան անհրաժեշտ օգնություն։

Ինքնաթիռի կործանման պատճառը կարող էր լինել տեխնիկական անսարքությունը, հայտնում է MyRepublica տեղական հրատարակությունը՝ վկայակոչելով Քաղաքացիական ավիացիայի վարչության ներկայացուցչին։
«Եղանակի հետ կապված խնդիրներ չեն եղել, նախնական տեղեկություն է ստացվել, որ ինքնաթիռը վթարի է ենթարկվել տեխնիկական պատճառներով: Տեղեկություն է ստացվել, որ ինքնաթիռում բոց է նկատվել, երբ այն դեռ օդում է եղել»,- ասել է Գյանենդրա Բհուլը: