+14 °C, +14 °C ... +26 °C Վաղը`+25 °C
Ռուսաստանի հարաբերություններն Արևմուտքի հետ չեն կարգավորվի Ուկրաինայի հակամարտության ավարտից հետո, հայտարարել է ՆԱՏՕ-ի գլխավոր քարտուղար Յենս Սթոլթենբերգը Handelsblatt-ին տված հարցազրույցում։ Նա նշել է, որ արևմտյան երկրները չպետք է թերագնահատեն Մոսկվային, որն իր տրամադրության տակ ունի լուրջ ռեսուրսներ։ «Նախկինի պես չի լինի. եթե անգամ Ուկրաինայում զենքերը լռեն, մենք չպետք է սպասենք, որ մեր հարաբերությունները կկարգավորվեն Ռուսաստանի հետ։ Արևմուտքը չպետք է թերագնահատի Ռուսաստանին, որն իր տրամադրության տակ ունի հսկայական ռեսուրսներ»,- ասել է Սթոլթենբերգը։ ՆԱՏՕ-ի գլխավոր քարտուղարը նաև հավելել է, որ ողջունում է Ուկրաինային հետևակի մարտական մեքենաներ մատակարարելու՝ ԱՄՆ-ի և Գերմանիայի որոշումը, ինչպես նաև Կիևին թեթև տանկերով օգնելու՝ Ֆրանսիայի մտադրությունը։ Ավելի վաղ հաղորդվում էր, որ Սթոլթենբերգը մեծացնում է ճնշումը Բեռլինի վրա՝ արագ լուծելու Leopard 2 տանկերը Կիևին մատակարարելու հարցը։ Դաշինքի ղեկավարն ընդգծել է, որ Ուկրաինային զենքով աջակցելը կմոտեցնի հակամարտության ավարտը։ Ռուս սենատոր Ալեքսեյ Պուշկովն առաջարկել է, որ Գերմանիայի վրա ճնշում կգործադրվի ուկրաինական բանակին տանկեր մատակարարելու համար։ Նրա խոսքով՝ Գերմանիայի կառավարությունը չի ցանկանում կիսել այս տեսակի ռազմական տեխնիկան Կիևի հետ, սակայն ԱՄՆ-ը կարող է ստիպել նրան դա անել, քանի որ Փենթագոնը հանդես է եկել նման մատակարարումների օգտին։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am