Ավելի քան 1 միլիոն մարդ է նախօրեին մասնակցել կենսաթոշակային տարիքի բարձրացման դեմ բողոքի ցույցին: Ֆրանսիայի վարչապետ Էլիզաբեթ Բորնը շաբաթներ առաջ ներկայացրել էր կենսաթոշակային բարեփոխումների վիճահարույց նախագիծը: Նրա խոսքով՝ 2023 թվականի սեպտեմբերի 1-ից Ֆրանսիայի իշխանությունները կսկսեն բարձրացնել կենսաթոշակային տարիքը տարեկան երեք ամսով. այդպիսով մինչև 2030 թվականը այն կհասնի 64 տարեկանի։ Ընթացիկ կենսաթոշակային տարիքը Ֆրանսիայում 62 տարեկանն է: |