+18 °C, +16 °C ... +28 °C Վաղը`+28 °C
Իրանի արտաքին գործերի նախարարության խոսնակ Նասեր Քանին, Իսլամական հեղափոխության պահապանների կորպուսը բնութագրելով որպես Իրանի ազգային հզորության հենարան, ասել է, որ իրանական ուժերը խախտել են տարածաշրջանում ԱՄՆ գերիշխող ռազմավարությունը: «Ամերիկյան ռեժիմի թշնամական գործողություններն իրանցիների դեմ անթիվ են։ Իրանական ազգի դեմ ԱՄՆ վարչակազմի հանցագործությունների տարբեր ասպեկտները բացահայտում են ԱՄՆ պաշտոնյաների կողմից մարդու իրավունքների կեղծ, քաղաքական ժեստերը և «Մարդու իրավունքների» գործիքային օգտագործումը», - չորեքշաբթի «Թվիթեր»-ում գրել է Նասեր Քանանին: «Պետական հեղաշրջում ծրագրելը, 8-ամյա հարկադիր պատերազմին աջակցելը, մարդատար ինքնաթիռի միտումնավոր ոչնչացումը, հիբրիդային պատերազմ վարելը, «Մոնաֆեղին-ե Խալք»-ի ահաբեկիչների հովանավորումը, արգելքներ սահմանումը և իրանցիների վրա առավելագույն ճնշում գործադրելը միայն Իրանցի ազգի դեմ ԱՄՆ-ի ռեժիմի անթիվ հանցագործությունների օրինակներն են»,- հավելել է Իրանի ներկայացուցիչը։ «Իսլամական հեղափոխության պահապանների կորպուսի նկատմամբ ԱՄՆ-ի զայրույթի պատճառը, ստի տարածումը և նրա հասցեին անհիմն մեղադրանքները պարզ են. Իսլամական հեղափոխության պահապանների կորպուսը Իրանի ազգային հզորության հենարանն է, նվաստացրել է Սիոնիստական ռեժիմին և խախտել ԱՄՆ-ի գերիշխող ռազմավարությունը տարածաշրջանում»,- շարունակել է նա: «Թել Ավիվի կեղծ ռեժիմի ազդեցության տակ գտնվող եվրոպական երկրները և Վաշինգթոնը վերջերս հանդես են եկել Իրանի Իսլամական հեղափոխության պահապանների կորպուսը ահաբեկչական կազմակերպություն հայտարարելու առաջարկով»,- գրում է IRNA-ն։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am