«Ադրբեջանը փորձում է միջազգային հանրությանը համոզել, որ Լաչինի միջանցքն ամենևին էլ փակ չէ, որ գազամատակարարումն ու հոսանքի մատակարարումը դադարեցված չէ: Ակնհայտորեն ՀՀ-ն ու ԼՂ-ն հակառակն են պնդում: Հենց այս հակասությունը դե յուրե լուծելու լավագույն ձևը ԼՂ ու Լաչինի միջանցք միջազգային փաստահավաք առաքելություն գործուղելն է, որի ուղղությամբ պետք է հետևողականորեն աշխատենք»,- Կառավարության նիստում հայտարարել է ՀՀ վարչապետ Նիկոլ Փաշինյանը: Նրա խոսքով՝ տարածաշրջանում առկա խնդիրների խաղաղ կարգավորումն այլընտրանք չունի և ՀՀ-ն առաջնորդվելու է այս տրամաբանությամբ: