Ռազմական փորձագետ, «Ռազմինֆո» մասնագիտացված կայքի համակարգող Կարեն Վրթանեսյանը 168 TV-ի եթերում անդրադարձել է Գեղարքունիքի Ազատ գյուղի տարածքում տեղակայված զորամասի ինժեներասակրավորային վաշտի կացարան բռնկված հրդեհի հետևանքով 15 զինծառայողի մահվան դեպքին: Նրա կարծիքով՝ իշխանությունը հանրությանը զբաղեցնելու համար հակասական և իրարամերժ վարկածներով է դաշտը լցնում. «Բեմադրված արհեստական դետեկտիվ սերիալներով, սկանդալներով զբաղեցնում է հանրությանը՝ կարևոր հարցերի պատասխանները չտալու համար»,- նկատել է Վրթանեսյանը: «Որքա՞ն զորամասեր կկառուցեին Եվրոտեսիլին տրված 12.3 միլիոն դոլարով, բանակում որքա՞ն աշխատանքներ կտանեին, որ մսխեցին»,- ավելացրել է նա: Ըստ փորձագետի՝ Հայաստանը երբևէ այսքան կորուստներ, զոհեր չի ունեցել բանակում, որքան Նիկոլ Փաշինյանի կառավարման 4,5 տարիներին: |