ԱԺ նախկին պատգամավոր Արթուր Ղազինյանը ֆեյսբուքյան իր էջում գրում է. «Կայացած բանակը երբեք թույլ չէր տա իր մի մաս համարվող զոհված զինվորի ծնողների նկատմամբ քաղաքական գործիչների կողմից այսպիսի ծաղրանք ու ստորացում:
Նայեք այսօրվա Եռաբլուրի կադրերը ու փորձեք գիտակցել ամոթի ու խայտառակության խորությունը: Այս մարդիկ իրենց որդուն տվել էին Հայկական բանակին, իսկ բանակն այսօր երես է թեքել նրանցից, թողել անպաշտպան քաղաքական ցինիկության, ծաղրի ու անբարոյականության դիմաց:
Մեր խնդիրներն ավելի խորն են, քան մենք պատկերացնում ենք, աղետն ավելի մեծ է, քան կարող ենք գիտակցել. մենք ուղղակի զրկված ենք պետական իմունիտետից, իսկ այդ վիճակում ցանկացած անորակ բացիլ կարող է քայքայել պետությունն ու պետականությունը:
Կներեք, բայց չեմ կարող շնորհավորել բանակի օրը, չի ստացվում...»: