ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+12 °C, +5 °C ... +16 °C Վաղը`+20 °C
«Այժմյան տեսքով և ղեկավարով Լեզվի կոմիտեն վնասարար կառույց է». Կարեն Հեքիմյան
17:42, 29.01.2023 | mamul.am
4054 | 1

Պահպանողական կուսակցության նախագահ Կարեն Հեքիմյանի գրառումը. «Գիտե՞ք, թե ինչ է նշանակում վնասարարություն:
Բերեմ պարզագույն օրինակ:
Ըստ Լեզվի կոմիտեի, վերջինիս կողմից 2021թ տնտեսվարող սուբյեկտների դեմ ներկայացված հայցադիմումներից, ՀՀ Վարչական դատարանը բավարարել է միայն 6%-ը:
Այժմ եկեք հաշվենք:
2021թ Լեզվի կոմիտեն ՀՀ Վարչական դատարան է ներկայացրել 72 հայցադիմում, որոնցից բավարարվել է ընդամենը 4-5-ը (6%): Ըստ ՀՀ ՎԻՎ օրենսգրքի, լեզվի ոլորտում իրավախախտման համար նախատեսված տուգանքը կազմում է 250 000 ՀՀ դրամ: Այսինքն՝ Լեզվի կոմիտեի կողմից 1 տարում իրականացված գործողությունների արդյունքում պետական բյուջե, ենթադրաբար, մուտքագրվել է 5 x 250 000 = 1 250 000 ՀՀ դրամ կամ 3 125 ԱՄՆ դոլար:
Ըստ հանրամատչելի տվյալների, Լեզվի կոմիտեն ունի թվով 19 աշխատակից, որոնցից յուրաքանչյուրի միջին ամսական աշխատավարձը պարգևավճարների հետ միասին 2021թ կազմել է շուրջ 220 000 ՀՀ դրամ: Այսինքն՝ 19 x 220 000 = 4 180 000 ՀՀ դրամ կամ 10 450 ԱՄՆ դոլար: Տարեկան կտրվածքով՝
12 x 4 180 000 = 50 160 000 ՀՀ դրամ կամ 125 000 ԱՄՆ դոլար:
Փաստորեն, 2021թ Լեզվի կոմիտեի միայն աշխատավարձի (առանց այլ ծախսերի) բյուջեի համար ՀՀ հարկատուները վճարել են 125 000, իսկ «հետ են» ստացել միայն 3 125 ԱՄՆ դոլար:
Ավելին՝ եթե նույնիսկ պատկերացնենք, որ 2021թ Լեզվի կոմիտեի կողմից ՀՀ վարչական դատարան ներկայացված բոլոր 72 հայցադիմումները բավարարվել են, ապա այդ դեպքում ևս ծախսը եկամուտից շուրջ 3 անգամ ավելի է:
Սա նշանակում է, որ իրականում, այժմյան տեսքով և ղեկավարով Լեզվի կոմիտեն վնասարար կառույց է»:

Կիսվի՛ր այս նյութով՝
դեպի վեր