Այսօր ՄԱԿ-ի Արդարադատության միջազգային դատարանում քննվում է ՀՀ հայցն ընդդեմ Ադրբեջանի: Պաշտոնական Երևանը ՄԱԿ-ի Արդարադատության դատարանից պահանջում է ճանաչել Ադրբեջանի խտրական վերաբերմունքը Հայաստանի նկատմամբ և հատուցել պատճառած վնասը։ Հայաստանի հայցը ներկայացնող փաստաբաններից Պիեռ Դարժանն իր խոսքում նշել է. «Այսպես կոչված էկոակտիվիստների պաշտոնական կարգախոսներից է՝ «Ղաբարաղը Ադրբեջան է». սա տարածքային և էթնիկ կարգախոս է, սա նշանակում է՝ հայերը տեղ չունեն Լեռնային Ղարաբաղում: Այս դատարանը խտրականության վերացման կոնվենցիայի վերջին պահապանն է. Ադրբեջանը ստորագրել է այն, բայց գործում է հակառակ, նույնիսկ եթե բնապահպանական պատրվակները ճշմարիտ լինեին, միևնույն է, Ադրբեջանը կոնվենցիայի հրամայականով է սահմանափակված. դու չես փրկում բնությունը՝ թույլ չտալով 120 հազար հոգու սնվել»,- ընդգծել է նա: |