Ֆինլանդիան Թուրքիայում գտնվող իր քաղաքացիներին զգուշացրել է խուսափել մարդկային կուտակումների վայրերից և անվտանգության հետ կապված այլ խորհուրդներ է տվել: Նման նախազգուշացումներ են արել Շվեդիան, Դանիան և Նորվեգիան:

Դեկտեմբերից ի վեր Ֆինլանդիան Թուրքիա մեկնող քաղաքացիներին խորհուրդ է տվել խուսափել Թուրքիայի և Սիրիայի սահմանամերձ շրջաններ ծրագրած ցանկացած ճանապարհորդությունից և անհարկի շրջագայությունից դեպի Թուրքիայի՝ Իրանի և Իրաքի հետ սահմանային շրջաններ:

«Անվտանգության իրավիճակը երկրում կարող է արագ վատթարանալ: Թուրքիայի ռազմական գործողությունը Սիրիայի հյուսիս-արևելքում շարունակվում է, Թուրքիան շարունակում է հակաահաբեկչական գործողությունը Հյուսիսային Իրաքում»,- ասվում է նախարարության կայքում: