Առաջիկա օրերին Ուկրաինային սահմանակից Ռուսաստանի Դաշնության Կուրսկի շրջան կժամանի լրացուցիչ ռազմական կոնտինգենտ, հայտնել է շրջանի նահանգապետ Ռոման Ստարովոյտը։ «Անհրաժեշտ է համակողմանի աջակցություն ցուցաբերել հավելյալ ուժեր և միջոցներ ընդունելու և տեղակայելու համար, որպեսզի զինվորականները հնարավորինս արագ սկսեն իրականացնել պետական սահմանի պաշտպանությունն և Կուրսկի շրջանի անվտանգությունը»,- ԶԼՄ-ները մեջբերել են նահանգապետի խոսքերը: Ռուսաստանի իշխանությունները բազմիցս հայտարարել են, որ Կուրսկի շրջանը գնդակոծվում է Ուկրաինայի կողմից։ Լրացուցիչ զորքերն արդեն երկու անգամ են տեղափոխվել տարածաշրջան՝ գարնանը և աշնանը։ Լրատվամիջոցները հայտնում են նաև, որ մարզում գործում են «Վագներ»-ի ուսումնական կենտրոններ։ |