ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
Ռուսաստանը պատրաստվում է Ուկրաինայում ամենամեծ հարձակմանը. Սթոլթենբերգ
23:06, 30.01.2023 | mamul.am
7203 | 0

Ռուսաստանի Դաշնությունը հատուկ ռազմական գործողության մեկնարկից ի վեր ամենախոշոր հարձակումն է նախապատրաստում Ուկրաինայում։ Այս մասին Հարավային Կորեա կատարած այցի ժամանակ հայտարարել է ՆԱՏՕ-ի գլխավոր քարտուղար Յենս Սթոլթենբերգը։ Նրա խոսքով, այսօր ռուսական բանակը կուտակում է ռեզերվներ և մատչելի սպառազինություն։
«Մենք տեսնում ենք, որ նրանք պատրաստվում են նոր հարձակման, որ մոբիլիզացրել են բազմաթիվ զինվորների՝ ավելի քան 200 հազար մարդ, և գուցե նույնիսկ ավելին։ Որ նրանք ակտիվորեն զենք ու զինամթերք են ստեղծում»,- ասել է Սթոլթենբերգը։

Մինչ այս նա բազմիցս հայտարարել է, որ ՆԱՏՕ-ն հակամարտության կողմ չի լինելու։ Ավելի վաղ արևմտյան ռազմական բլոկի ներկայացուցիչ Ռոբ Բաուերը հայտարարել էր, որ ՆԱՏՕ-ն պատրաստ է Ռուսաստանի հետ ուղիղ առճակատման։ Սակայն նա խոստովանել էր, որ այս պահին ռուսական բանակն ավելի լավ է զինված, քան դաշինքը։ Այդ կապակցությամբ Բաուերն առաջարկել է վերազինվել, ինչպես նաև տնտեսությունը տեղափոխել «պատերազմական հիմքերի»։

Իր հերթին, ամերիկացի և եվրոպացի բարձրաստիճան զինվորականները բազմիցս հայտարարել են, որ նախադրյալներ չեն տեսնում Ռուսաստանի և ՆԱՏՕ-ի միջև ուղիղ բախման համար։

Կիսվի՛ր այս նյութով՝
դեպի վեր