+19 °C, +15 °C ... +26 °C Վաղը`+26 °C
Ֆրանսիայի և Ավստրալիայի իշխանությունները համաձայնության են եկել Ուկրաինայի զինված ուժերի համար 155 մմ արկերի համատեղ արտադրության շուրջ, հայտնում է France 24-ը։ Ուկրաինական հրետանու համար զինամթերքի համատեղ արտադրության մասին որոշումը կայացվել է Ֆրանսիայի և Ավստրալիայի պաշտպանության նախարարներ Սեբաստիան Լեկորնուի և Ռիչարդ Մարլզի հանդիպման ժամանակ։ Ֆրանսիայի պաշտպանության նախարարության ղեկավարը նաև մանրամասնել է, որ արկերի առաջին մատակարարումներն Ուկրաինա կարող են իրականացվել արդեն այս տարվա առաջին եռամսյակում՝ նշելով, որ ֆրանսիական կողմից համագործակցությանը մասնակցում է զենք և ռազմական տեխնիկա արտադրող Nexter-ը։ Ավստրալիայի պաշտպանության նախարարն իր հերթին ասել է, որ «խոսքը բազմամիլիոնավոր ավստրալիական դոլար արժողությամբ նախագծի մասին է»։ «Այս գործընկերությունը կոչված է ցույց տալու, որ Ֆրանսիան և Ավստրալիան միասին աշխատում են Ուկրաինային աջակցելու համար: Սա մեր պաշտպանական ձեռնարկությունների միջև համագործակցության առաջին նման օրինակն է»,- ասել է Մարլը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am