Երևանի քաղաքապետարանի տեղեկատվության վարչության նախկին պետ Հովսեփ Կուբատյանը ֆեյսբուքյան իր էջում գրել է. «Մալաթիայի տոնավաճառում սեփականատերը, մոտավոր հաշվարկներով, ամսական 36 մլն տեղի փող է հավաքել, բայց էլեմենտար պայմաններ չի ապահովել, որ մարդիկ անվտանգ ու քիչ թե շատ նորմալ պայմաններում աշխատեն:
Հիմա, երբ պետությունը որոշել է այլևս կոմպրոմիսի չգնալ, սեփականատերը թաքնվում է մարդկանց հետևում, որոնք, իրոք, վարկերը չեն կարողանալու տալ, ընտանիք չեն կարողանալու պահել:
Եթե պետությունը հետևողական լինի և նույն մոտեցումը ցուցաբերի նաև այլ առևտրի կենտրոնների մասով, այսօր բողոքող և դեռ չբողոքող մարդիկ, որոնք անտանելի պայմաններում իրենց ապրուստի միջոցն են վաստակում, կսկսեն աշխատել քիչ թե շատ նորմալ, անվտանգ պայմաններում:
Բայց շատ կարևոր է հետևողական աշխատանքը բոլոր տնտեսվարողների մասով»: