ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+3 °C, +3 °C ... +16 °C Վաղը`+19 °C
«Փարիզը կողմ է Հայաստանի և Ադրբեջանի միջև բանակցությունների վերսկսմանը». Ֆրանսիայի ԱԳՆ խոսնակ
19:54, 04.02.2023 | mamul.am
5869 | 0

Ֆրանսիայի ԱԳՆ մամուլի քարտուղար Անն Կլեր Լեժանդրը RTVI-ի հետ հարցազրույցում կոչ է արել բացել Լաչինի միջանցքը Լեռնային Ղարաբաղում հումանիտար ճգնաժամ թույլ չտալու համար:

«Չափազանց մտահոգված ենք Լաչինի միջանցքի փակմամբ և մշտապես պահանջում ենք, որ այն բացվի բնակչությանը պարենային և հումանիտար օգնություն հասցնելու համար»,- ասել է Ֆրանսիայի ԱԳՆ խոսնակը՝ հավելելով, որ Լեռնային Ղարաբաղում լուրջ հումանիտար ճգնաժամի առաջացման իրական վտանգ կա:

Անն Կլեր Լեժանդրը նաև հայտարարել է, որ Փարիզը կողմ է Հայաստանի և Ադրբեջանի միջև բանակցությունների վերսկսմանը, և որ Ֆրանսիան աջակցում է եվրոպական միջնորդական ջանքերին:

Ֆրանսիայի ԱԳՆ խոսնակը չի համաձայնել նաև այն կարծիքի հետ, թե Ֆրանսիան իրական օգնություն չի ցուցաբերում Լեռնային Ղարաբաղի շուրջ իրավիճակի կարգավորմանը:

«Մեր աջակցությունը հստակ արտահայտված է ամենաբարձր մակարդակով։ Նախագահ Մակրոնն անձամբ է գործադրել բոլոր ջանքերը իրավիճակի կարգավորման և լարվածության նվազեցման շուրջ բանակցությունների վերսկսման համար»,- ասել է նա:

Կիսվի՛ր այս նյութով՝
դեպի վեր