Ուկրաինայի պաշտպանության նախարար Ալեքսեյ Ռեզնիկովը «Факти ICTV»-ին տված հարցազրույցում ասել է, որ ոչ նախագահը, ոչ էլ վարչապետն իրեն չեն առաջարկել ղեկավարել Ռազմավարական արդյունաբերության նախարարությունը. «Եթե նման առաջարկ ստանայի, ապա կհրաժարվեի, քանի որ չունեմ այն փորձառությունը, որը թույլ կտա ինձ լինել Ռազմավարական արդյունաբերության նախարարության որակյալ նախարար»,- ասել է նա: Ավելի վաղ Գերագույն ռադայի մի խումբ պատգամավորներ հայտնել էին, որ Ուկրաինայի պաշտպանության նախարար Ալեքսեյ Ռեզնիկովը կազատվի աշխատանքից, ավելի ուշ կնշանակվի Ռազմավարական արդյունաբերության նախարար: |