Այս պահին ԱԺ-ում քննարկվում է «Հայաստան» խմբակցության պատգամավոր Արմեն Չարչյանի նկատմամբ քրեական հետապնդում հարուցելուն համաձայնություն տալու մասին ՀՀ գլխավոր դատախազի միջնորդությունը: Գլխավոր դատախազը հայտարարեց, որ բժշկական օգնություն և սպասարկում իրականացնողների կողմից մասնագիտական պարտականությունները ոչ պատշաճ կատարելու հետևանքով բուժվող հիվանդի՝ Արթուր Սարգսյանի, մահ առաջացնելու դեպքի առթիվ հարուցվել է քրեական գործ: ԱԺ ՔՊ խմբակցության պատգամավոր Արսեն Թորոսյանը ՀՀ գլխավոր դատախազ Աննա Վարդապետյանից հետաքրքրվեց. «Չխախտելով որևէ մեկի անմեղության կանխավարկածը, պարզ է՝ մենք գործ ունենք պատվիրված ինչ-որ գործողության հետ, եղել է հստակ պատվեր, որ Արթուր Սարգսյանին նորից բանտարկեն, իսկ ով ա՞ տվել էդ պատվերը»: Վարդապետյանն ի պատասխան հաստատեց, որ այո, եղել է պատվեր. «Ըստ էության կարող է մեկ անձ չի, այլ երկու անձ է, դեռ քննության փուլում է: Դա վարույթի այն մասն է, որը չի վերաբերում Չարչյանին»: |