+18 °C, +16 °C ... +28 °C Վաղը`+28 °C
Ինչպես արդեն տեղեկացրել ենք, ԱԺ-ում այսօր քննարկվում է «Հայաստան» խմբակցության պատգամավոր Արմեն Չարչյանի նկատմամբ քրեական հետապնդում հարուցելուն համաձայնություն տալու մասին ՀՀ գլխավոր դատախազի միջնորդությունը: ՔՊ-ական պատգամավոր Արփինե Դավոյանը բջջայինից դժվարությամբ կարդաց Գլխավոր դատախազին ուղղված երկու հարց՝ «Ինձ մոտ մի հատ հարց առաջացավ. քննիչի, գլխավոր դատախազի հայեցողական և չհիմնավորված մոտեցում կա այս գործի հետ կապված, եթե ես սխալվում եմ՝ ինձ ուղղեք: Այս բոլոր պաշտոնյաների գործողություններում առերևույթ հանցագործության տարրերի առկայությունը քննելու մասին փաստաբանների միջնորդությունները և բողոքները մերժվել են, քրեական գործը քննվել է միայն 130-րդ հոդվածի շրջանականերում, ի՞նչ եք մտածում այս կապակցությամբ, արդյունավետ քննությունն ինչպիսի՞ն պիտի լինի, և երկրորդ հարցս՝ այս գործի ձգձգումը ինչպե՞ս է հիմնավորվում»: Իշխանական պատգամավորին ի պատասխան Վարդապետյանն արձագանքեց. «Առաջին հարցի մասով նախաքննությունը կպատասխանի այդ հարցերին, որովհետև ես հիմա ինչ էլ ասեմ լինելու է ենթադրություն, խախտելու է անմեղության կանխավարկածը: Երկրորդի մասով՝ գործի ձգձգումը պայմանավորված է փորձաքննությունների ժամկետների բավականին երկար տևելու հետ»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am