«Ցանկացած անգամ, երբ Սերժ Սարգսյանը հրապարակային խոսք է ասում, այս իշխանությունները սկսում են իրենց քարոզչական ամբողջ ռեսուրսն ուղղել նրա հնչեցրած մտքերը հերքելուն կամ շեղելուն»,- 168.am-ի եթերում ասել է ՀՀԿ-ական գործիչ Արտակ Զաքարյանը՝ անդրադառնալով ՀՀ երրորդ նախագահ Սերժ Սարգսյանի հարցազրույցից հետո իշխանության շրջանում անհանգստություններին: «Սերժ Սարգսյանը շարունակում է քաղաքական դաշտում մնալ որպես ծանրակշիռ պետական, քաղաքական գործիչ ու անվտանգային, պաշտպանական, արտաքին քաղաքականությանն առնչվող թեմաներում ամենափորձառու կարծիքի առաջատարներից մեկը, ուստի ցանկացած քննադատություն պրոբլեմատիկ է դառնում կապիտուլացված իշխանության համար. Սարգսյանն իր հարցազրույցներում բացահայտում է սրանց խոցելի կողմերը, թերությունները, սխալ գործողությունները»,- հայտարարել է Պաշտպանության նախարարի նախկին տեղակալը՝ հավելելով, որ իշխանությունը սարսափում է Սերժ Սարգսյանի բացահայտումներից: |