Հորդանանի թագավոր Աբդալլահ II-ի և թագուհի Ռանիայի ավագ դուստրը՝ 26-ամյա արքայադուստր Իմանն ամուսնացել է վենեսուելացի գործարար Ջիմի Տերմիոտիսի հետ։ Հարսնացուն հանրությանը ներկայացել է Dior-ի սպիտակ զգեստով։ Հարսանիքին ներկա են եղել թագավորական ընտանիքի անդամները, ընկերներն ու բարձրաստիճան անձինք։ Հետաքրքիր է, որ նրա ավագ եղբայրը՝ թագաժառանգ Հուսեյն բեն Աբդուլլահը, արքայադստերն ուղեկցել է պալատի այգիներով։ Միևնույն ժամանակ, թագուհի Ռանիան հարսանիքի համար ընտրել է Dior-ի աշուն-ձմեռ 2022 հավաքածուից ծալքավոր զգեստ, իսկ Իմանի կրտսեր քույրը՝ 22-ամյա Սալման, ընտրել է Andrew Gn-ի գոտիով զգեստˋ ֆուկսիայի գույնի։ |