Արաբական ծովում մեկնարկել են Ռուսաստանի, Չինաստանի և Իրանի՝ «Ծովային անվտանգության գոտի - 2023» եռակողմ ռազմածովային զորավարժությունները։ Այս մասին ասված է ՌԴ ՊՆ հաղորդագրության մեջ։ «Այսօր Արաբական ծովի ջրերում Իրանի Իսլամական Հանրապետության Չահբահար նավահանգստի մոտ մեկնարկել են «Ծովային անվտանգության գոտի - 2023» եռակողմ ռազմածովային զորավարժությունները՝ Ռուսաստանի Դաշնության նավատորմի, Չինաստանի Ժողովրդա-ազատագրական բանակի և Իրանի Իսլամական Հանրապետության ռազմածովային ուժերի մասնակցությամբ»,- հայտնել են ռազմական գերատեսչությունից։ |