ԱՄՆ նախագահ Ջո Բայդենը հիմնավորված է համարել Ռուսաստանի նախագահ Վլադիմիր Պուտինին ձերբակալելու օրդեր տալու մասին Հաագայի Միջազգային քրեական դատարանի որոշումը, փոխանցում է Reuters-ը: Բայդենի կարծիքով՝ Պուտինը ներգրավված է ռազմական հանցագործությունների մեջ: Associated Press-ն էլ իր հերթին հավելում է, որ ԱՄՆ-ը հույս ունի, որ դատարանի որոշումը կազդի այն երկրների դիրքորոշումների վրա, որոնք չեզոք են Ռուսաստանի՝ Ուկրաինա ներխուժման վերաբերյալ: |