«Ինչո՞ւ Ադրբեջանը չի կատարում Հաագայի դատարանի՝ Լաչինի միջանցքն ապաշրջափակելու մասին որոշումը»,- ԱԺ-ում դիմելով Միջազգային իրավական հարցերով ՀՀ ներկայացուցիչ Եղիշե Կիրակոսյանին՝ հարցրին լրագրողները: «Ադրբեջանի վարքագիծն իր ամբողջ տրամաբանությամբ հակասում է միջազգային իրավունքին. ոչ միայն չկատարելն է խնդիր, այլ՝ որոշման բովանդակությունն աղավաղելը, որի դեմ ՀՀ պետական լիազոր մարմինները պետք է իրականացնեն հակընդդեմ պայքար, ներկայացնեն որոշման իրական բովանդակությունը»,- ասել է Կիրակոսյանը՝ հավելելով, որ Անվտանգության խորհուրդն է այն հարթարկը, որտեղ պետք է քննարկվեն նմանատիպ հարցերը: