+17 °C, +15 °C ... +26 °C Վաղը`+26 °C
Վրաստանի ազգային վիճակագրական ծառայության (Geostat) տվյալներով, Վրաստանի արտահանման կեսից ավելին կատարվում է դեպի Անկախ պետությունների համագործակցության (ԱՊՀ) անդամ երկրներ: Այս մասին գրում է Aliq Media-ն: Geostat-ի փոխանցմամբ՝ 2023 թվականի հունվար-փետրվար ամիսներին Վրաստանի ընդհանուր արտահանման 58 տոկոսը կամ 532 մլն դոլարը ուղղվել է ԱՊՀ շուկա։ Նախորդ տարվա համեմատ ԱՊՀ արտահանումն աճել է 202 մլն դոլարով։ 2022 թվականի հունվար-փետրվար ամիսներին Վրաստանից արտահանված ապրանքների 43,4 տոկոսը բաժին է ընկել ԱՊՀ երկրներին։ ԱՊՀ երկրների հետ արտաքին առևտրի աճին զուգընթաց նվազել է արտահանումը դեպի Եվրամիության երկներ։ Անցյալ տարվա նույն ժամանակահատվածում ԵՄ երկրների մասնաբաժինը Վրաստանի ընդհանուր արտահանման և ներմուծման մեջ կազմել է 20,9 տոկոս, 2023 թվականի հունվարին և փետրվարին այս ցուցանիշը նվազել է մինչև 12,7 տոկոս: Ընդհանուր արտահանման մեջ տեղական արտահանման տեսակարար կշիռը նվազել է 10,6 տոկոսով։ Ըստ Geostat-ի՝ տեղական արտահանման մասնաբաժինը ընդհանուր արտահանման մեջ կազմում է 54,3 տոկոս։ 2023 թվականի սկզբին Վրաստանից արտահանվող ապրանքների հնգյակում են եղել ավտոմեքենաները, պղնձի հանքաքարերը, ֆերոհամաձուլվածքները, գինին և ոգելից խմիչքները։ Ամենախոշոր արտահանող երկրների ցանկը գլխավորում են Հայաստանը, Ռուսաստանը և Չինաստանը։
|
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am