Քաղաքական-հասարակական գործիչ Ավետիք Չալաբյանը ֆեյսբուքյան իր էջում գրում է. «Այսօր Արցախի շրջափակման 100-րդ օրն է: Ակնհայտ է դառնում արդեն, որ թշնամին չի պատրաստվում շրջափակումը վերացնել, միջազգային «փափուկ» ճնշումը նրա վրա առանձնապես չի ազդում, փոխարենը նա Արցախից և Հայաստանից ոչ պակաս քան նոր կապիտուլյացիա է սպասում:
Այս պայմաններում մեզ մնում է միայն դիմադրել, կոշտ հակահարված տալ թշնամու բոլոր սադրանքներին, և վերականգնելով սեփական ուժերը, պատրաստվել վերանվաճելու սեփական իրավունքները: Դա մենք անում և անելու ենք ամեն օր, մինչ այդ իմ զորակցությունն եմ հայտնում Արցախի մեր հերոսական քույրերին և եղբայրներին, որոնք այսօր մաքառում և դիմադրում են մեր բոլորի ազատության և արժանապատվության համար: Պինդ եղեք, Աստված բոլորիդ պահապան»: