ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +5 °C ... +16 °C Վաղը`+19 °C
Ծեծկռտուք՝ Վրաստանի խորհրդարանում
18:48, 22.03.2023 | mamul.am
3329 | 1

Վրաստանի խորհրդարանի այսօրվա լիագումար նիստում «Պաշտպանության օրենսգրքի» քննարկման ժամանակ վիճաբանություն և բախում է տեղի ունեցել ընդդիմադիր և իշխանամետ պատգամավորների միջև։

Սկզբում իրավիճակը լարվել է ընդդիմադիր պատգամավոր Տարիել Նակաիձեի և իշխող կուսակցության շարքերը լքած ու հակաարևմտյան շարժում ձևավորած «Ժողովրդի ուժը» շարժման անդամ Սոզար Սուբարիի միջև, որից հետո միջադեպին խառնվել են նաև այլ պատգամավորներ։

Իրավիճակն այնքան է սրվել, որ նախ իշխող «Վրացական երազանք» կուսակցության պատգամավոր Վիկտոր Ջափարիձեն խորհրդարանի սեղանին տեղադրված խոսափողով հարվածել է Նակաիձեին, իսկ հետո մեկ այլ իշխանական պատգամավոր Լևան Մգալոբլիշվիլին ևս խոսափողը նետել է նույն ընդդիմադիր պատգամավորի ուղղությամբ։ Բանավոր առերեսումը շարունակվել է մի քանի րոպե։

Ըստ առկա տեղեկությունների, «Ժողովրդի ուժը» շարժման պատգամավորները հակառակ կողմում նստած ընդդիմադիր գործընկերներին «գործակալներ» են անվանել, ինչն էլ իրավիճակի սրման պատճառ է դարձել։

Կիսվի՛ր այս նյութով՝
դեպի վեր