Լրագրող, հեռուստամեկնաբան Արտյոմ Երկանյանը լուսանկարներ է տարածել իր էջում՝ կից գրառմամբ. «Կասկադում ծառահատում իրականացնող մունիցիպալ կառույցներին մի հարց էլ ես ունեմ: Մեր բակի (Տերյան 62) փտած այս ծառը, որը ժամանակին չգիտես ինչու՝ չի հատվել, ընկել է կնոջս մեքենայի վրա ու շոշափելի վնաս հասցրել։ Ինձ հետաքրքիր է՝ դա նորմա՞լ է, երբ մունիցիպալ կառույցների անփութության հետևանքով քաղաքացին նյութական վնաս է կրում։ Միգուցե, հենց այսպիսի՞ ծառերի հատումը պետք է լինի իրենց պարտականությունը»: