Ղազախստանն ապրիլի 1-ից կգործարկի առցանց համակարգ, որը կհետևի հանրապետության սահմանը հատող բոլոր ապրանքներին, հայտնում է Eurasianet.org-ը՝ հղում անելով աղբյուրներին։ Հրատարակության զրուցակցի խոսքով՝ Ղազախստանը ցանկանում է նորամուծությամբ ցույց տալ, որ հետևում է Ռուսաստանի Դաշնության դեմ արևմտյան երկրների կողմից սահմանված պատժամիջոցներին։
Աղբյուրն ընդգծել է, որ ղազախական կողմը բազմիցս հայտարարել է, որ մտադիր չէ պատժամիջոցներ կիրառել Ռուսաստանի դեմ և որևէ կերպ սահմանափակել առևտուրը հարևան երկրի հետ։ Սակայն Ղազախստանը «թույլ չի տա շրջանցել արևմտյան պատժամիջոցները և հարթակ չի դառնա նման շրջանցման համար»։

«Մենք հասկանում ենք երկրորդական պատժամիջոցների հետ կապված բոլոր ռիսկերը»,- հավելել է աղբյուրը: