ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +5 °C ... +16 °C Վաղը`+20 °C
Սերժ Սարգսյանն անդրադարձել է տարածաշրջանային և աշխարհաքաղաքական զարգացումներին
20:48, 24.03.2023 | mamul.am
2585 | 0

ՀՀԿ փոխխոսնակ Արմեն Աշոտյանը հայտնում է. «Այսօր ՀՀԿ նախագահ, ՀՀ երրորդ նախագահ Սերժ Սարգսյանը ՀՀԿ կենտրոնակայանում ընդունել է «Կոնրադ Ադենաուեր» հիմնադրամի «Քաղաքական երկխոսություն. Հարավային Կովկաս» տարածաշրջանային ծրագրի տնօրեն Շտեֆան Մալերիուսին:
Նախագահ Սարգսյանը բարձր է գնահատել հիմնադրամի աջակցությունը Հանրապետական կուսակցության արդիականացման ծրագրերին եւ միջազգային գործունեությանը:
Հանդիպմանը քննարկվել են երկկողմ հարաբերությունների զարգացման հեռանկարները, ուղենշվել են զարգացման նոր ծրագրեր:
Նախագահը նշել է, որ Հանրապետականը մշտապես հանդես է գալիս Հայաստանի քաղաքական կյանքում լավագույն միջազգային փորձի մեթոդաբանության, տեխնոլոգիաների եւ կապերի ներդրման ջատագովը:
Հյուրի խնդրանքով ՀՀԿ ղեկավարը անդրադարձել է տարածաշրջանային և աշխարհաքաղաքական զարգացումներին և դրանց վերաբերյալ տվել իր գնահատականները»:

Կիսվի՛ր այս նյութով՝
դեպի վեր