«Ես չեմ ուզում փակագծեր բացել, բայց հայկական կողմում պոռոտախոսությունն իր ծանր հետևանքներն ունենում է»,- ԱԺ-ում լրագրողների հետ զրույց՝ անդրադառնալով Արցախում տիրող իրավիճակին, ասաց «Հայաստան» խմբակցության պատգամավոր Գեղամ Մանուկյանը: «Նույնը Արցախում գտնվող բոլոր պաշտոնյաների, նախկին պաշտոնյաների պոռոտախոս հայտարարությունները՝ կապված Արցախի շրջափակման լիարժեքության և ոչ լիարժեքության հետ, հանգեցնում է բացասական հետևանքների: Սրանք հարցեր են, որոնք անվտանգային տարրեր են պարունակում»,- ասաց պատգամավորը: «Ես ունեմ բազմաթիվ փաստեր, որ մեծախոսությունը, անզգույշ հայտարարությունները, չհաշվարկված տեղեկությունների հրապարակումը հանգեցնում են թշնամու կողմից հակազդեցության»,- հավելեց Մանուկյանը: |