Չորեքշաբթի օրը Bloomberg-ը հայտնել է, որ հինգշաբթի օրը՝ մարտի 30-ին, Թուրքիայի խորհրդարանը քվեարկելու է Հյուսիսատլանտյան դաշինքին միանալու Ֆինլանդիայի դիմումի հարցը։ ՆԱՏՕ-ին Ֆինլանդիայի և Շվեդիայի միանալու մասին արձանագրություններն ստորագրվել են ռազմական բլոկի անդամ երկրների կողմից 2022 թվականի հուլիսի 5-ին։ Բայց այդ երկրները դաշինքին կարող են միանալ միայն այն դեպքում, երբ միաձայն հավանություն ստանան։ Մարտին Անկարան հայտարարեց, որ իրենք պատրաստ են վավերացնել Ֆինլանդիայի թեկնածությունը մինչև երկրում մայիսին կայանալիք նախագահական ընտրությունները, սակայն Շվեդիայի դեմ առարկությունը մնում է։ |