+8 °C, +8 °C ... +27 °C Վաղը`+28 °C
ՀՀ վարչապետը Կառավարության նիստի ժամանակ անդրադարձավ Լաչինի միջանցքի հետ կապված հաջորդ զարգացմանը, որը վերաբերում է երթուղու փոփոխությանը: «Ինչպես գիտեք, 2022-ի օգոստոսին Ադրբեջանի ու ԼՂ-ի իշխանությունների միջև կայացած համաձայնության արդյունքում, Լաչինի միջանցքի երթուղին փոխվեց՝ նոր ճանապարհի գործարկմամբ, բայց քանի որ Լաչինի միջանցքը ՀՀ-ին կապող ճանապարհն ամբողջությամբ պատրաստ չէր, գործարկվեց ժամանակավոր երթուղի, որը մուտք էր գործում ՀՀ տարածք՝ Կոռնիձորի կամրջով, ապա նորից Ադրբեջանի տարածք, ապա նորից ՀՀ տարածք: Պայմանավորվածության համաձայն, այն պետք է գործեր մինչև 2023թ. ապրիլի մեկը: Նախօրեին մենք տեղեկացրել ենք ադրբեջանական կողմին, որ Կոռնիձորի կամրջից հետո ճանապարհը շարունակվելու է միայն ՀՀ տարածքով ու սահմանապահ զորքերը ստանձնելու են ՀՀ պետական սահմանի պահպանությունը: Սահմանապահ զորքերը տեղակայվելու են ՀՀ պետական սահմանին՝ այն նույն դիրքերում, որտեղ մինչև օրս ՊՆ ստորաբաժանումներն էին տեղակայված: Այս ամենի արդյունքում հայկական դիրքերի որևէ փոփոխություն տեղի չի ունեցել՝ այն տարբերությամբ, որ մտադիր ենք խնդրո առարկա հատվածի պահպանությունը, ի տարբերություն նախկինի, իրականացնել սահմանապահ զորքերի միջոցով»,- եզրափակեց նա: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am