«Սա այն շենքն է, որը պետք է կառուցվեր 33-րդ թաղամասի բնակիչների համար»,- ցույց տալով կառուցապատվող բնակելի շենքը, ասացին ֆիրդուս թաղամասի բնակիչները: «Մենք բոլոր պայմանագրերն ունենք, որ 2008 թվականից մեր սեփականության վկայականները տվել ենք իրենց: Երկար տարիներ կասեցվել էր այս շենքի շինարարությունը: Հիմա սկսել են կառուցապատումը, բայց պարզվում է, որ այն վաճառվել է լրիվ այլ մարդու»,-ասաց բնակիչը, ում խոսքով՝ նոր սեփականատերն ասում է, որ ինքը ոչ մի պարտավորություն չունի՝ «գնացեք «Սիթի Սենթրի» հետ ձեր հարցերը լուծեք»»:

«Զգուշացնում ենք նոր սեփականատիրոջը, եթե ինքը շենքը ձեռք է բերրել 2019-2020թթ., մենք պայմանագրերը կնքել ենք 2008-10 թթ-ին»,- նշում են ցուցարարները: Նրանց խոսքով՝ պետությունը սպասարկում է մի քանի ֆիրմայի շահերը՝ անտեսելով թաղամասի բնակիչների օրինական պահանջներն ու շահերը: