Ռուսաստանի նախագահ Վլադիմիր Պուտինը շնորհավորել է Ռեջեփ Թայիփ Էրդողանին՝ Թուրքիայի երկրորդ նախագահական ընտրություններում հաղթելու կապակցությամբ։ Պուտինի շնորհավորանքը հրապարակված է Կրեմլի կայքում։

Ըստ Պուտինի՝ ընտրություններում հաղթանակն Էրդողանի անձնուրաց աշխատանքի արդյունքն էր, որը վկայում է այն մասին, որ թուրք ժողովուրդն աջակցում է երկրի ինքնիշխանության ամրապնդմանն ու անկախ արտաքին քաղաքականություն վարելու՝ նրա ջանքերին։
«Մենք բարձր ենք գնահատում ձեր անձնական ներդրումը ռուս-թուրքական բարեկամական հարաբերությունների ամրապնդման, տարբեր ոլորտներում փոխշահավետ համագործակցության գործում»,- ասված է Պուտինի ուղերձում։

Պուտինն իր թուրք գործընկերոջը նախագահի պաշտոնում նոր հաջողություններ է մաղթել։