+13 °C, +13 °C ... +18 °C Վաղը`+15 °C
Չեչնիայի ղեկավար Ռամզան Քադիրովը ուկրաինական իշխանությունների գործողություններն անվանել է ահաբեկչական և հորդորել, ի պատասխան Մոսկվայի վրա անօդաչու թռչող սարքի հարձակման, «փիսի-փիսի չանել», և միանգամից բնաջնջել «այս ամբողջ ահաբեկչական բջիջը»։ Քադիրովը երեքշաբթի օրն իր Telegram ալիքում նշել է, որ մայիսի 30-ին Մոսկվայի վրա իրականացված անօդաչու սարքի հարձակումը «ոչ մի տակտիկական, ռազմավարական կամ նույնիսկ հոգեբանական իմաստ չունի», քանի որ «պատերազմն ընթանում է բոլորովին այլ վայրում»։ Նա կարծում է, որ սա փորձ էր իր վրա ուշադրություն հրավիրելու և գետնին կրած խոշոր պարտություններից հետո տեղեկատվական միավորներ շահելու համար։ Նա կարծում է, որ «Ուկրաինայում չկան զինվորականներ և քաղաքական գործիչներ, կան միայն ահաբեկիչներ», հետևաբար, անհրաժեշտ է «հարվածել ահաբեկիչների այդ առաջնորդների կուտակման վայրերին, որպեսզի մնացածներին դաս լինի՝ նույնիսկ մտքով վատ բան չմտածել Ռուսաստանի հասցեին: Միևնույն ժամանակ, Չեչնիայի ղեկավարի խոսքերով, «...պատասխան մեեթոդները չպետք է կոշտ լինեն, դրանք պետք է լինեն դաժան»: Քադիրովը նաև խոստացել է՝ շուտով ցույց կտանք, թե ինչ է վրեժխնդրությունը բառի ողջ իմաստով: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am