Թուրքիայի գործող նախագահ Ռեջեփ Թայիփ Էրդողանը պաշտոնապես ճանաչվեց նախագահական ընտրությունների մայիսի 28-ի երկրորդ փուլում հաղթած թեկնածու: Համապատասխան արձանագրությունը հեռուստաեթերում ընթերցել է Թուրքիայի Ընտրական բարձրագույն խորհրդի նախագահ Ահմեթ Էները: այս մասին հայտնում է «Ազատություն»-ը: «Խորհուրդը քննարկել է ներկայացված բողոքները: Երկրորդ փուլի վերջնական արդյունքները փոխանցվել են՝ պաշտոնաթերթում հրապարակելու համար: Վերջնական արդյունքների համաձայն Ռեջեփ Թայիփ Էրդողանը ստացել է քվեների 52,18 տոկոսը և ճանաչվել է Թուրքական Հանրապետության ընտրված նախագահ»,- ասել է Էները: |