+11 °C, +11 °C ... +27 °C Վաղը`+28 °C
Տեղի է ունեցել Թուրքիայի 28-րդ գումարման խորհրդարանի առաջին նիստը։ Խորհրդարանի նոր կազմը հունիսի 2-ին երդում է տվել։ «Արմենպրես»-ի հաղորդմամբ, ինչպես հայտնում է թուրքական «Անադոլու» գործակալությունը, երկրի բարձրագույն օրենսդիր մարմնի առաջին նիստը բացել է պատգամավորներից ամենատարեցը՝ «Ազգայնական շարժում» կուսակցության նախագահ Դևլեթ Բահչելին: Նախագահ Ռեջեփ Թայիփ Էրդողանը նույնպես ներկա է գտնվել խորհրդարանի առաջին նիստին և հետևել է երդման գործընթացին: Թուրքիայի 28-րդ գումարման խորհրդարանի մայիսի 14 -ի ընտրությունների վերջնական արդյունքների համաձայն իշխող «Արդարություն և զարգացում» կուսակցությունը ստացել է 268 պատգամավորական մանդատ, «Նոր բարեկեցություն» կուսակցությունը՝ 5, «Ազգայնական շարժում» կուսակցությունը՝ 50, «Կանաչ Ձախ» կուսակցությունը՝ 61, աշխատավորական կուսակցությունը՝ 5, Հանրապետաժողովրդական կուսակցությունը՝ 169 և İYİ(լավ) կուսակցությունը՝ 43 տեղ: Թուրքիայում ընտրողների մասնակցությունը կազմել է 87,05 տոկոս։ Նախագահ Էրդողանի երդմնակալության արարողությունը նախատեսված է շաբաթ օրը ՝ հունիսի 3-ին, խորհրդարանի շենքում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am