ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +6 °C ... +8 °C Վաղը`+10 °C
«Նիկոլ Փաշինյանը Անկարայում կհիշի՞». Ոսկան Սարգսյան
20:18, 03.06.2023 | mamul.am
4106 | 1

Լրագրող Ոսկան Սարգսյանը ֆեյսբուքյան իր էջում գրում է. «ՆԻԿՈԼ ՓԱՇԻՆՅԱՆԸ ԱՆԿԱՐԱՅՈՒՄ ԿՀԻՇԻ՞
2020թ․ հոկտեմբերի 1-ին, երբ Արցախում պատերազմ էր, Նիկոլ Փաշինյանը ֆեյսբուքյան իր գրառման մեջ նշել է, որ սա արդեն պարզապես Ղարաբաղի հարց չէ, սա միայն հայ ժողովրդի անվտանգության հարց չէ և հետևյալ հարցն է հնչեցրել` ինչո՞ւ է Թուրքիան 100 տարի անց վերադարձել Հարավային Կովկաս, ապա պատասխանել. «Շարունակելու հայոց ցեղասպանությունը» ու հավելել․ «Բայց ցեղասպան քաղաքականության շարունակությունը Թուրքիայի համար միայն հայատյացությունը իրացնելու միջոց չէ, այլև պրագմատիկ խնդիր: Հայաստանն ու Հարավային Կովկասի հայությունը վերջին խոչընդոտն են թուրքական էքսպանսիան դեպի հյուսիս, դեպի հարավ-արեւելք և դեպի արևելք շարունակելու և կայսերական երազանքը կյանքի կոչելու համար»:
Էրդողանի վերընտրվելու կապակցությամբ նրան շուտափույթ, երկրների ղեկավարների մեջ թվով երկրորդը շնորհավորած Նիկոլ Փաշինյանը Էրդողանի երդմնակալությանը մասնակցելու մեկնելով՝ Անկարայում կհիշի՞ իր այն խոսքերը, որ 100 տարի անց Թուրքիան վերադարձել է Հարավային Կովկաս, որպեսզի շարունակի հայոց ցեղասպանությունը, կհիշի՞, որ 2020-ի աշնանը թուրքական գեներալներն են ղեկավարել Արցախում պատերազմական գործողությունները, Թուրքիան է Արցախ ուղարկել սիրիացի վարձկաններին, թուրքական «Բայրաքթարների» հարվածներից են այրվել մեր 18-20 տարեկան զինվորները»։

Աղբյուրը` Ոսկան Սարգսյան
Կիսվի՛ր այս նյութով՝
դեպի վեր