24TV-ի հաղորդման ժամանակ՝ խոսելով Քիշնևում Փաշինյանի այն հայտարարության մասին, որ Տիգրանաշենի հարցը չպետք է գերագնահատենք, չկա այնպիսի մի անկլավ, որը մեզ համար կառաջացնի ճանապարհային անլուծելի խնդիր, ԱԺ «Հայաստան» խմբակցության պատգամավոր Գեղամ Մանուկյանը պատասխանեց. «Փաշինյանը գլուխը պատով է տալիս, թե անկլավների թեման եղել է բանակցություններում, 1994 թվականին Բիշքեկում երբ զինադադար էր կնքվում, նույնիսկ այդ ժամանակ Ադրբեջանի մտքով չի անցել խոսել այդ տարածքների մասին: Այդ հարցն առաջացել է 2020-ի պատերազմից հետո։ Փաշինյանն ասուլիսի ժամանակ փորձեց մեղքը բարդել Գլխավոր շտաբի վրա, բայց պատասխան ստացավ, որ արգելվել է նման պայմանագիր ստորագրելը»: