+23 °C, +13 °C ... +23 °C Վաղը`+27 °C
Ռեջեփ Թայիփ Էրդողանի հրամանագրով Թուրքիայի արտաքին գործերի նախարար է նշանակվել Թուրքիայի ազգային հետախության պետ Հաքան Ֆիդանը՝ փոխարինելով Մևլյութ Չավուշօղլուին: Վերջինն ԱԳ նախարարի պաշտոնն զբաղեցնում էր 2014-ից: Այս և այլ նշանակումների վերաբերյալ արևելագետ Արմեն Պետրոսյանը ֆեյսբուքյան իր էջում գրել է. «Հայտնի է Թուրքիայի նոր կառավարության կազմը, որը գրեթե ամբողջությամբ փոխվել է։ Հատկապես երկու սպասված նշանակում կա։ ԱԳ նախարար է նշանակվել Ազգային հետախուզական ծառայության նախկին ղեկավար Հաքան Ֆիդանը։ Նրա փոխարեն այդ առանցքային պաշտոնին է նշանակվել Թուրքիայի նախագահի արտաքին հարաբերությունների և անվտանգության հարցերով ավագ խորհրդական և խոսնակ Իբրահիմ Քալընը։ Փորձագիտական գնահատականներով՝ հենց նրանցից մեկն է լինելու Թուրքիայի ապագա առաջնորդի ԱԶԿ-ական թեկնածուն։ Երկու գործիչներն էլ բարձր արդյունավետություն են դրսևորել իրենց նախկին պաշտոններում։ Պետության և համակարգի համար նոր դերում առավել հաջողակն էլ մեծ հավանականությամբ կստանա Էրդողանի առաջնորդական օրհնությունը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am