+25 °C, +15 °C ... +25 °C Վաղը`+26 °C
Անընդունելի են Հայաստանի Անվտանգության խորհրդի քարտուղար Արմեն Գրիգորյանի փորձերը՝ հերթական անգամ խեղաթյուրել մի շարք հարցերի էությունը, մոլորեցնել թե՛ միջազգային հանրությանը, թե՛ հայ հանրությանը՝ հակառակ Հայաստանի ստանձնած պարտավորություններին։ Այս մասին ասված է Ադրբեջանի ԱԳՆ հայտարարության մեջ՝ ի պատասխան Հայաստանի Անվտանգության խորհրդի քարտուղար Արմեն Գրիգորյանի՝ հունիսի 4-ին Հայաստանի Հանրային հեռուստաընկերությանը տված հարցազրույցի ժամանակ հնչեցրած խոսքերին։ «Նշվել է, որ ինչպես Պրահայի, այնպես էլ Սոչիի հանդիպումներին հաջորդած հայտարարությունների համաձայն, սահմանազատումը պետք է իրականացվի տարածքային ամբողջականության և ինքնիշխանության փոխադարձ ճանաչման հիման վրա։ Ընդհանուր առմամբ, այս հայտարարություններում հղումը ՄԱԿ-ի կանոնադրությանը և Ալմա-Աթայի հռչակագրին արվում է նշված սկզբունքների համատեքստում։ Հայկական կողմը քաջատեղյակ է, որ այս հանդիպումներից և ոչ մեկում համաձայնություն ձեռք չի բերվել որևէ քարտեզի հիման վրա սահմանազատման վերաբերյալ։ Միջազգային պրակտիկայի համաձայն, ի տարբերություն Հայաստանի, սահմանազատման գործընթացը, որը մինչ այժմ Ադրբեջանը իրականացրել է հարևան երկրների հետ, իրականացվել է ոչ թե հատուկ ընտրված քարտեզի, այլ իրավական նշանակություն ունեցող բոլոր փաստաթղթերի վերլուծության և դիտարկման հիման վրա։ Այս պրակտիկան հնարավոր է կիրառել նաև Հայաստանի հետ»,- ասվում է հակառակորդի պետական գերատեսչության հայտարարության մեջ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am