Քաղաքագետ Արա Պողոսյանի ֆեյսբուքյան գրառումը. «Թուրքիայի նախկին Ազգային հետախուզական ծառայության տնօրեն Հաքան Ֆիդանը նշանակվեց Թուրքիայի Արտաքին գործերի նախարար, իսկ Իբրահիմ Քալընը` Ազգային հետախուզական ծառայության տնօրեն։
Այս երկուսը ըստ էության Էրդողանի ամենահավանական ժառանգորդներն են, ովքեր ունեն հատուկ գիտելիքներ և այս կամ այն կերպ մասնակցել են Թուրքիայի արտաքին ագրեսիվ քաղաքականության պլանավորմանը, իրագործմանը։
Էրդողանն իր հավանական ժառանգորդների անձերով առնվազն ցույց է տալիս, թե ինչ ուղղությամբ է գնում կամ գնալու Թուրքիան, իսկ որ ամենավատն է` նաև թե ինչպիսին է լինելու Հայաստանի նկատմամբ դիրքավորումը»: