Երևանի քաղաքապետի պաշտոնակատար Լևոն Հովհաննիսյանն ԱԺ-ում պատասխանել է լրագրողների հարցերին: «Աշխատանքներն ինչպե՞ս եք բաժանել, որ բոլոր փիառվելու գործերն ընկել են Տիգրան Ավինյանին՝ ժապավեն կտրելուց ինքն է, բացումներին ինքն է, Կառավարության նիստերին ինքն է»,- դիմելով Հովհաննիսյանին՝ հարցրեց լրագրողը: Պաշտոնյան ասաց, որ Տիգրան Ավինյանը 2018-2022թ. եղել է ՀՀ փոխվարչապետ, լավ տիրապետում է Կառավարության աշխատանքին, ուստի նպատակահարմար են գտել, որ նա մասնակցի նիստերին: |