Հայտնի է, որ Հայաստանի խորհրդայնացումից հետո, ստալինյան հակակրոնական քարոզչության և բռնաճնշումների տարիներին, Երևանում և Հայաստանի մի շարք այլ բնակավայրերում քանդվել են բազմաթիվ եկեղեցիներ։ Երևանի քաղխորհուրդը 1931 թ-ին նաև որոշում է կայացնում քաղաքի կենտրոնում վեր խոյացող Սուրբ Պողոս-Պետրոս եկեղեցու քանդման մասին, որի տեղում պետք է կառուցվեր կինոթատրոնի շենք։ Սուրբ Պողոս-Պետրոս եկեղեցու քանդման աշխատանքը Թեև Երևանի Պողոս-Պետրոս եկեղեցին թվագրվում է 17-րդ դարով, սակայն քչերը գիտեն, որ եկեղեցու քանդման ժամանակ շենքի հիմքերից հայտնաբերվել են ավելի հին եկեղեցու հետքեր, իսկ պատերի որմնանկարների շերտերի տակ ավելի հին որմնանկարների պատկերներ, ինչը թույլ է տվել ենթադրել, որ եկեղեցին ոչ թե 17-րդ դարում է կառուցվել, այլ ավելի վաղ։ Սուրբ Պողոս-Պետրոս եկեղեցու որմնանկար Հետաքրքիր է, որ 1920-30 ական թվականներին, երբ իրականացվում էին եկեղեցու քանդման աշխատանքները և երբ եկեղեցու պատերին բացահայտվեցին հիմնաշերտի տակ պահված որմնանկարները, մեծ իրարանցում տեղի ունեցավ մասնագետների շրջանում։ Սուրբ Պողոս-Պետրոս եկեղեցու որմնանկար Սբ Բարդուղիմեոսի որմնանկարը Սուրբ Պողոս-Պետրոս եկեղեցու որմնանկար Եկեղեցու տեղում կառուցվել է «Մոսկվա» կինոթատրոնը, որի բացումը տեղի է ունեցել «Պեպո» առաջին հնչյունային ֆիլմի ցուցադրմամբ։ |