«Բավականին բարդ պրոցեսներ են՝ հստակ ժամկետ ֆիքսելու համար՝ խաղաղության չակերտավոր պայմանագրի կնքման հետ կապված: Ակնհայտ է, որ կապիտուլացված, ոչ հայկական իշխանությունը պրոցեսը երկարացնելու ցանկություն ունի, քանի որ լավ է հասկանում՝ եթե այդ քայլին գնա ու պայմանագիր ստորագրի Ադրբեջանի հետ, ինչը ենթադրում է Արցախից վերջնական, պաշտոնական մակարդակով հրաժարում, աթոռները կորցնելու մեծ վտանգի առաջ կկանգնի»,- «Ռեվյու» հաղորդաշարի եթերում ասել է Ադրբեջանի հարցերով փորձագետ Գառնիկ Դավթյանը՝ անդրադառնալով, այսպես կոչված, խաղաղության պայմանագրի կնքմանը: Դավթյանի խոսքով՝ իշխանությունը հանրության ցասումը չի կարողանալու զսպել: